தூத்துக்குடி வேளாங்கண்ணி ஆலய திருவிழா தொடக்கம் :

தூத்துக்குடி ஸ்டேட் பாங்க் காலனிதூய வேளாங்கண்ணி ஆரோக்கியஅன்னை ஆலய திருவிழா கொடியேற்றத்துடன் தொடங்கியது.

பாளையங்கோட்டை மறைமாவட்ட முன்னாள் ஆயர் ஜூடுபால்ராஜ் கொடியேற்றி வைத்தார். விழாவில் தினமும் காலை 6 மணிக்கு ஜெபமாலை மற்றும் திருப்பலி இறைமக்கள் பங்கேற்பின்றி நடைபெறும். வரும் 05.09.2021 மாலை 6 மணிக்கு நற்கருணை பெருவிழா தூத்துக்குடி மறைமாவட்ட ஆயர் ஸ்டீபன் தலைமையில் நடைபெறும். விழா நிகழ்வுகள் அனைத்தும் உள்ளூர் தொலைக்காட்சி மற்றும் யூ-டியூப் மூலம் ஒளிபரப்பு செய்யப்படும். ஏற்பாடுகளை பங்குத்தந்தை ஜெரோசின் அ.கற்றார் மற்றும் பக்த சபையினர், அன்பிய பொறுப்பாளர்கள் செய்து வருகின்றனர்.

வேளாங்கண்ணி கெபி

இதேபோல தூத்துக்குடி எஸ்.எஸ். மாணிக்கபுரத்தில் அமைந்துள்ள அன்னை வேளாங்கண்ணி புனித ஆரோக்கிய மாதா தங்கத்தேர் கெபியின் 39-ம் ஆண்டு திருவிழா கொடியேற்றத்துடன் நேற்றுமுன்தினம் மாலை தொடங்கியது. செப்டம்பர் 8-ம் தேதி வரை தினமும் மாலையில் ஜெபமாலை, பிரார்த்தனை நடைபெறும். ஏற்பாடுகளை தங்கத்தேர் கெபி கமிட்டியினர், புனித வேளாங்கண்ணி மாதா அன்பிய மக்கள், புனித பூண்டிமாதா அன்பிய மக்கள் செய்துள்ளனர்.