புதுவையில் ‘பிட் இந்தியா’ விடுதலை விழிப்புணர்வு ஓட்டம் :

75-வது சுதந்திர தினத்தை முன்னிட்டு ‘பிட் இந்தியா விடுதலை ஓட்டம்’ என்ற மாணவர்கள் விழிப்புணர்வு ஓட்டம் நாடு முழுவதும் நேற்று நடைபெற்றது. அதன்படி புதுச்சேரி கடற்கரை சாலை காந்தி திடல் முன்பு தொடங்கிய ஓட்டத்தை அமைச்சர்கள் நமச்சிவாயம், லட்சுமிநாராயணன் ஆகியோர் தொடங்கி வைத்தனர். கல்வித்துறை இயக்குநர் ருத்ரகவுடு உள்ளிட்டோர் கலந்து கொண்டனர். இதில் 75-க்கும் மேற்பட்ட மாணவர்கள் பங்கேற்று விழிப்புணர்வு ஓட்டத்தை மேற்கொண்டனர்.

இதேபோல் நேரு யுவகேந்திரா சார்பில் புதுச்சேரி மகளிர் மற்றும் குழந்தைகள் மருத்துவமனை எதிரே விடுதலை விழிப்புணர்வு ஓட்டத்தை அமைச்சர் நமச்சிவாயம் தொடங்கி வைத்தார்.