குன்றத்தூரில் குட்கா விற்பனை: 4 பேர் கைது :

குன்றத்தூர்: குன்றத்தூர் மற்றும் அதைச் சுற்றியுள்ள பகுதிகளில் தடை செய்யப்பட்ட குட்கா விற்பனை செய்யப்படுவதாக வந்த தகவலையடுத்து குன்றத்தூர் ஆய்வாளர் சந்துரு, உதவி ஆய்வாளர் அந்தோணி சகாய பரத் ஆகியோர் தலைமையில் போலீஸார் கடைகளில் தீவிர சோதனையில் ஈடுபட்டனர். அப்போது 2 கடைகளில் குட்கா விற்பனை செய்த குன்றத்தூரைச் சேர்ந்த மோகன்ராஜ் (41), சண்முகம்(42) ஆகிய 2 பேரை கைது செய்தனர். இவர்களிடம் நடத்தப்பட்ட விசாரணையில் தாம்பரம், முடிச்சூரை சேர்ந்த ஷெரீப் பாட்ஷா(40), சிங்கப்பெருமாள் கோவிலை சேர்ந்த சாதிக் அலி(36) ஆகியோர் குட்காவை சப்ளை செய்து வந்தது தெரியவந்தது. இருவரை

ஷெரீப் பாட்ஷா கடைகளுக்கு காஸ் சிலிண்டர் சப்ளை செய்வது வழக்கம். சிலிண்டர் சப்ளை செய்வது போல் குட்காவையும் வாகனத்தில் எடுத்துச் சென்று குன்றத்தூர், திருமுடிவாக்கம் உள்ளிட்ட பல்வேறு பகுதிகளுக்கு சப்ளை செய்து வந்தது தெரியவந்தது. இதையடுத்து 4 பேரையும் குன்றத்தூர் போலீஸார் கைது செய்து சிறையில் அடைத்தனர்.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow