விளாத்திகுளத்தில் இன்று வேலைவாய்ப்பு முகாம் :

விளாத்திகுளம் ஊராட்சி ஒன்றியஅலுவலகத்தில் இளைஞர்களுக்கான வேலைவாய்ப்பு முகாம் இன்று(11-ம் தேதி) நடைபெற உள்ளது.

தமிழ்நாடு மகளிர் நல மேம்பாட்டு நிறுவனம், தூத்துக்குடி மாவட்ட ஊரக வாழ்வாதார இயக்கம் சார்பில் நடைபெறும் முகாமில் 18 முதல் 35 வயது வரையிலான ஆண், பெண் இருபாலரும் கலந்துகொள்ளலாம். தமிழகத்தைச் சேர்ந்த 20-க்கும் மேற்பட்ட முன்னணி நிறுவனங்கள் கலந்துகொள்ள உள்ளன. குறைந்தபட்சம் 8-ம் வகுப்பு தேர்ச்சி பெற்றிருக்க வேண்டும். முகாமில் கலந்துகொள்ள விரும்புவோர் 2 புகைப்படம், ஆதார் நகல் மற்றும் மாற்றுச் சான்றிதழ் நகல் கொண்டுவர வேண்டும். இத்தகவலை விளாத்திகுளம் வட்டார வளர்ச்சி அலுவலர்கள் முத்துக்குமார், ராமராஜ் ஆகியோர் தெரிவித்துள்ளனர்.