போக்ஸோ சட்டத்தில் ரவுடி கைது :

மதுரை மாவட்டம், கள்ளிக்குடி அருகில் உள்ள குராயூரைச் சேர்ந்த முருகன்(33). இவர், டீக்கடை நடத்தி வரும் பெண் ஒருவரின் 15 வயது மகளுக்கு பாலியல் தொந்தரவு கொடுத்துள்ளார். இது குறித்து சிறுமி தாயாரிடம் கூறினார். இது குறித்த புகாரின்பேரில் திருமங்கலம் மகளிர் போலீஸார் முருகன் மீது போக்ஸோ சட்டத்தில் வழக்குப் பதிவு செய்து நேற்று கைது செய்தனர். இவர் மீது கொலை உள்ளிட்ட வழக்கு நிலுவையில் இருப்பதாகவும், ரவுடி பட்டியலில் இடம் பெற்றுள்ளதாகவும் போலீஸார் தெரிவித்தனர்.