மதுரை காமராசர் பல்கலைக்கழக பேராசிரியருக்கு பெரியார் விருது :

மதுரை காமராசர் பல்கலைக்கழக தமிழியற்புலத்தின் தமிழ்த் துறை தலைவராக பணியாற்றுபவர் போ.சத்யமூர்த்தி. புதுக்கோட்டை மாவட்டத்தைச் சேர்ந்த இவருக்கு தமிழ் பணி, சமூக நீதி, சர்வதேச அமைப்புகளான உலக தமிழர்கள் இணைய வழி மன்றம், துபாய் கலைப்பூக்கள் கலைக் கழகம், இலங்கை திருவள்ளுவர் கல்லூரி ஆகியவை இணைந்து சமூக சமத்துவத்துக்கான ஈவெரா பெரியார் பன்னாட்டு விருது வழங்கின.

தமிழ் மொழிக்கு வளம் சேர்க்கும் விதமாக பண்பாட்டு மரபுகள், பண்பாட்டுச் செல்வங் களை பேணிக் காத்தல், ஆவணப் படுத்துதல், சர்வதேச நாடுகளில் தமிழ் மொழியின் நிலை அறிதல், தேசிய பன்னாட்டு கருத்தரங்கம், பயிலரங்கம், சர்வதேச அளவில் பேராசிரியர்கள், தமிழறிஞர்கள், தமிழ் ஆர்வலர்களை அழைத்து கலை விழாக்களை நிகழ்த்துவது, பல்கலை மாணவர்கள், ஆசிரி யர்கள், பேராசிரியர்கள், மரபு கலைஞர்கள் பயன் பெறும் வகையில் தொடர் தமிழ் நிகழ்ச்சிகளை ஏற்பாடு செய்தல் போன்ற பல்வேறு தமிழ் தொடர்பான நிகழ்வுகளை ஒருங்கிணைத்து செயல்படு வதற்காக அவருக்கு இவ்விருது வழங்கப்பட்டுள்ளது. இவர் ஏற்கெனவே தமிழக அரசின் தமிழ் செம்மல் விருது பெற்றுள்ளார் என்பது குறிப்பிடத்தக்கது.