உதகை-கூடலூர் சாலையில் மேம்பாட்டு பணிகள் ஆய்வு :

நீலகிரி மாவட்டத்துக்கு விடுமுறை நாட்களில் சுற்றுலா பயணிகள்வருகை அதிகரித்துள்ளதால், உதகை - மேட்டுப்பாளையம் சாலை,கோத்தகிரி உள்ளிட்ட முக்கிய சாலைகளிலும், பிற மாவட்டங்களுடன் உதகையை இணைக்கும் சாலைகளிலும் வாகன நெரிசல் ஏற்படுகிறது.

இதையடுத்து, வாகன ஓட்டுநர்கள் மற்றும் பொதுமக்கள் வலியுறுத்தியதால் பர்லியாறு முதல் கூடலூர் கக்கநள்ளா வரை தேசிய நெடுஞ்சாலை 67-ல் விரிவாக்கப் பணிகள் நடந்து வருகின்றன.

குன்னூர் மலைப்பாதையில் மழை நீர் வடிகால்வாய்கள் மற்றும்குறுகிய பாலங்கள் அகலப்படுத்தப்பட்டு வருகின்றன. உதகை-கூடலூர் தேசிய நெடுஞ்சாலை மேம்பாட்டு பணிகளை தேசிய நெடுஞ்சாலை ஆணையம் மேற்கொண்டு வருகிறது.

இதற்கான ஆய்வு பணிகள் உதகையில் நடந்தன. தேசிய நெடுஞ்சாலை ஆணைய கோட்டப் பொறியாளர் குழந்தைராஜ் தலைமையில் அதிகாரிகள் ஆய்வு செய்தனர்.திட்ட மதிப்பீடு தயாரிக்கப்பட்டு, பணிகள்தொடங்கும் என தெரிவிக்கப்பட்டது.