வீரராகவ பெருமாள் கோயிலில் தடையை மீறி திரண்ட பக்தர்கள் :

திருவள்ளூர்: திருவள்ளூரில் உள்ள பிரசித்தி பெற்ற வீரராகவ பெருமாள் கோயிலில், ஆடி அமாவாசை தினத்தன்று ஆயிரக்கணக்கான பக்தர்கள் கோயில் குளத்தில் புனித நீராடி, தங்களது முன்னோருக்கு தர்ப்பணம் செய்வது வழக்கம். இந்நிலையில், இந்த ஆண்டு கரோனா பரவல் காரணமாக, ஆடி அமாவாசை கொண்டாட அரசு கட்டுப்பாடுகளை விதித்தது. இதன்படி, நேற்று முன் தினமும், நேற்றும் கோயிலில் பக்தர்கள் சுவாமி தரிசனம் செய்ய தடை விதிக்கப்பட்டது. எனினும், தடையை மீறி நூற்றுக்கணக்கான பக்தர்கள் நேற்று வீரராகவர் கோயிலில் நேற்று திரண்டனர்.

இதையடுத்து, போலீஸார் அங்கு பாதுகாப்பு பணியில் ஈடுபடுத்தப்பட்டு, கூட்டம் சேருவது கட்டுப்படுத்தப்பட்டது. எனினும், பக்தர்கள் காக்களூர் ஏரிக் கரையில் உள்ள பாதாள விநாயகர் கோயில் பகுதியில் முன்னோருக்கு தர்ப்பணம் கொடுத்துவிட்டு, பின்னர் வீரராகவ பெருமாள் கோயிலுக்கு வெளியே கற்பூரம் ஏற்றி வழிபட்டுச் சென்றனர்.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow