7 வட்டார வளர்ச்சி அலுவலர்கள் : காஞ்சிபுரம் மாவட்டத்தில் இடமாற்றம் :

காஞ்சிபுரம் மாவட்ட ஆட்சியர் உத்தரவின்படி, உத்திரமேரூர் வட்டார வளர்ச்சி அலுவலர் (வ.ஊ) - குன்றத்தார் வட்டார வளர்ச்சி அலுவலராகவும் (கி.ஊ), ஆர்.வெங்கடேசன் காஞ்சிபுரம் வட்டார வளர்ச்சி அலுவலர் (கி.ஊ) ஆகவும், காஞ்சிபுரம் வட்டார வளர்ச்சி அலுவலர் (கி.ஊ) மு.பவானி - மாவட்ட ஊரக வளர்ச்சி முகமை கண்காணிப்பாளராகவும் இடமாற்றம் செய்யப்பட்டுள்ளனர்.

இதேபோல் உத்திரமேரூர் வட்டார வளர்ச்சி அலுவலராக (வ.ஊ) ஏ.எஸ்.தங்கராஜும், வாலாஜாபாத் ஊராட்சி ஒன்றிய வட்டார வளர்ச்சி அலுவலர் (வ.ஊ) வி.பாலாஜி - மாவட்ட ஊரக வளர்ச்சி முகமையில் மகாத்மா காந்தி தேசிய ஊரக வேலை உறுதித் திட்டத்தில் வட்டார வளர்ச்சி அலுவலராகவும், காஞ்சிபுரம் மாவட்ட ஊரக வளர்ச்சி முகமை வட்டார வளர்ச்சி அலுவலர் ஜி.நிர்மலா - வாலாஜாபாத் வட்டார வளர்ச்சி அலுவலர் (கி.ஊ) ஆகவும், வாலாஜாபாத் ஊராட்சி ஒன்றிய வட்டார வளர்ச்சி அலுவலர் (கி.ஊ) ஆர்.சம்பத் - வாலாஜாபாத் வட்டார வளர்ச்சி அலுவலர் (வ.ஊ) ஆகவும் இடமாற்றம் செய்யப்பட்டுள்ளனர். இடமாற்றம் செய்யப்பட்டவர்கள் உடனடியாக பணியில் சேர வேண்டும் என்று இந்த உத்தரவில் தெரிவிக்கப்பட்டுள்ளது.