விருதுநகர் ஆட்சியர் அலுவலக வளாகத்தில் : இளைஞர் ஒருவர் தூக்கிட்டு தற்கொலை :

விருதுநகர்: விருதுநகர் மாவட்ட ஆட்சியர் அலுவலகம் எதிரே உள்ள மைதானம் அருகே, வேப்பமரத்தில் நேற்று மாலை இளைஞர் ஒருவர் தூக்கிட்ட நிலையில் இறந்து கிடந்தார். இதைப் பார்த்த போலீஸார் உடனடியாகச் சென்று சடலத்தை மீட்டு விருதுநகர் அரசு மருத்துவமனைக்கு அனுப்பினர். போலீஸாரின் முதல்கட்ட விசாரணையில் அவர் சிவகாசி அருகே உள்ள வடபட்டி கிராமத்தைச் சேர்ந்த வெயிலுமுத்து (30) என்பது தெரிய வந்தது. மேலும் அவருக்கு திருமணமாகி இரு குழந்தைகள் உள்ளதும், சற்று மனநிலை பாதிக்கப்பட்டவர் என்பதும் தெரியவந்தது. தற்கொலைக்கான காரணம் குறித்து, சூலக்கரை போலீஸார் விசாரணை நடத்தி வருகின்றனர்.

FOLLOW US