கல்பனா சாவ்லா விருதுக்கு விண்ணப்பிக்கலாம் : விழுப்புரம், கள்ளக்குறிச்சி ஆட்சியர்கள் அறிவிப்பு

சமூகத்தில் வீரத்துடனும் பல்வேறு துறைகள் மற்றும் துணிச்சலுடனும் சாதனை செய்த பெண்களுக்கு தமிழக அரசு சார்பில்‘கல்பனா சாவ்லா’ விருது வழங்கப்படுகிறது. 2021-ம் ஆண்டுக்குவிருதுக்கு விண்ணப்பங்கள் வரவேற்கப்படுகின்றன. விருதுகளுக்கான விண்ணப்பங்கள் மற்றும் முக்கிய விவரங்கள் தமிழ்நாடு விளையாட்டு மேம்பாட்டு ஆணைய இணைய தளத்திலிருந்து (www.sdat.tn.gov.in) பெற்றுக் கொள்ளலாம். பூர்த்தி செய்த விண்ணப்பத்தை “உறுப்பினர் செயலர், தமிழ்நாடு விளையாட்டு மேம்பாட்டு ஆணையம், ஜவஹர்லால் நேரு விளையாட்டு அரங்கம், பெரியமேடு, சென்னை-3என்ற முகவரிக்கு வரும் 25-ம் தேதிக்குள் வந்து சேரும் வகையில் அனுப்பி வைக்க வேண்டும் எனவிழுப்புரம் ஆட்சியர் மோகன்,கள்ளக்குறிச்சி ஆட்சியர் தர்ஆகியோர் தனித்தனியாக வெளி யிட்டுள்ள செய்திக்குறிப்பில் தெரிவித்துள்ளனர்.

இதுகுறித்து விழுப்புரம் மாவட்ட விளையாட்டு அலு வலரை கேட்டபோது, நேற்று முன்தினம் (21-ம் தேதி)தான் மின்னஞ்சல் பெறப்பட்டு உடனே ஆட்சியரிடம் ஒப்புதல் பெறப்பட்டு செய்திக்குறிப்பு வெளியிடப்பட்டது என்றார். அரசு அறிவிப்பு என்றால் கடைசி நாளுக்கு 2 வாரம் முன்பு அறிவிப்பு வெளியிடவேண்டும் என்று நடைமுறையில் உள்ளது என்பது குறிப்பிடத்தக்கது.