விழுப்புரம் தெய்வானையம்மாள் மகளிர் கல்லூரியில் இயற்பியல் கருத்தரங்கம் :

விழுப்புரத்தில் இயங்கி வரும் தெய்வானையம்மாள் மகளிர் கல்லூரியின் இயற்பியல் துறை சார்பில் வலைதளம் மூலம் ‘இயக்கவியல் அமைப்பு மற்றும் அதனுடைய பயன்பாடுகள்’ குறித்ததேசிய கருத்தரங்கம் அண்மையில் நடைபெற்றது. தெலங்கானா மாநிலம், வாரங்கல் தேசிய தொழில்நுட்ப கழகத்தின் கணித இணைப் பேராசிரியர் ஹரி பொன்னம்மா ராணி சிறப்பு விருந்தினராக பங் கேற்றார்.

நிகழ்வில் கல்லூரி முதல்வர் பிருந்தா சிறப்புரையாற்றி பேசியது:

பொறியாளர்கள், உயிரிய லாளர்கள், இயற்பியலாளர்கள், கணிதவியலாளர்கள் மற்றும் பல விஞ்ஞானிகளுக்கு அறிவியலில் நேரியல் அல்லாத சிக்கல்கள் பற்றி அறிய ஆர்வமாக உள்ளனர்.பெரும்பாலான அமைப்புகள் இயல்பாகவே இயற்கையில் நேர்கோட்டுடன் உள்ளன.காலப்போக்கில் மாறிகளில் ஏற்படும்மாற்றங்களை விவரிக்கும் நேரியல் இல்லாத இயக்கவியல்அமைப்புகள் குழப்பமான கணிக்கமுடியாத அல்லது எதிர்மறை யானதாக தோன்றக்கூடும். இது மிக எளிமையான நேரியல் அமைப்பு களுடன் மாறுபடும் என்று கூறினார்.

சிறப்பு விருந்தினரான கணித இணைப் பேராசிரியர் ஹரி பொன்னம்மா ராணி தனது உரையில், நேரியல், நேரியல் அல்லாத இயக்கவியல் அமைப்பு, பட்டாம்பூச்சி விளைவு மற்றும் அதன் பயன்பாடுகள் குறித்த அடிப்படை, பொறியியல், இயற்பியல், பொருளாதாரம் மற்றும் உயிரியல் மற்றும் வேறுபட்ட சமன்பாடுகளைப பற்றிய தகவல்கள், நேரியல் அல்லாத அமைப்புகளில் பிளவுபடுத்தலின் வகைப்பாடு, இயக்கவியல் மற்றும் குழப்பமான அமைப்புகளின் நீண்டகால தரமான நடத்தை தொடர்பான கோட்பாடுகள் குறித்து விளக்கினார்.

இக்கருத்தரங்கில் இந்தியாவின் பல்வேறு கல்லூரிகள், கல்வி நிறுவனங்கள் மற்றும் பல்கலைக்கழகங்களைச் சேர்ந்த 520 பேர் பங்கேற்று,‘நேரியல் அல்லாத அமைப்புகள்’ குறித்து அறிந்தனர். முன்னதாக ஆராய்ச்சி புலமை தலைவர் உத்ரா அறிமுக உரையாற்றினார்.இயற்பியல் துறைத் தலைவர் முனியப்பன், உதவி பேராசிரியர் முத்துராஜா உள்ளிட்டோர் இக்கருத்தரங்கில் பங்கேற்றனர்.

இக்கருத்தரங்கில் இந்தியாவின் பல்வேறு கல்லூரிகள், கல்வி நிறுவனங்கள் மற்றும் பல்கலைக்கழகங்களைச் சேர்ந்த 520 பேர் பங்கேற்று,‘நேரியல் அல்லாத அமைப்புகள்’ குறித்து அறிந்தனர்.