சாலை விபத்தில் மாணவி உயிரிழப்பு :

திருப்பத்தூரில் இரு சக்கர வாகனம் மீது சிமென்ட் லாரி மோதியதில் பள்ளி மாணவி பரிதாபமாக உயிரிழந்தார்.

திருப்பத்தூர் வீட்டு வசதி வாரியம் பகுதி 2-ல் உள்ள மின்நகர் பகுதியைச் சேர்ந்தவர் தண்டபாணி (40). இவரது மகள் அட்சயா (15). இவர், அதே பகுதியில் உள்ள அரசுப்பள்ளியில் 9-ம் வகுப்பு படித்து வந்தார்.

இந்நிலையில், நேற்று முன்தினம் மாலை இரு சக்கர வாகனத்தில் திருப்பத்தூர் - கிருஷ்ணகிரி சாலை வழியாக அட்சயா சென்றார்.

அப்போது, திருப்பத்தூரில் இருந்து ஓசூர் நோக்கி சிமென்ட் மூட்டைகளை ஏற்றிச்சென்ற கனரக லாரி ஒன்று இரு சக்கர வாகனம் மீது மோதியது. இதில், தூக்கி வீசப்பட்ட அட்சயா சம்பவ இடத்திலேயே பரிதாபமாக உயிரிழந்தார்.