ஜீப் ஓட்டுநர் பணியிடங்களை நிரப்ப : அரசு ஊர்தி ஓட்டுநர்கள் வலியுறுத்தல் :

விருதுநகர்: தமிழ்நாடு அரசு துறை ஊர்தி ஓட்டுநர்கள் சங்கத்தின் மாவட்ட கலந்தாய்வுக் கூட்டம் விருதுநகரில் நடைபெற்றது. மாவட்டத் தலைவர் மற்றும் மாநில துணைத் தலைவர் சரவணக்குமார் தலைமை வகித்தார். மாவட்டச் செயலாளர் பூவணலிங்கம், மாவட்டப் பொருளாளர் முருகன் ஆகியோர் முன்னிலை வகித்தனர். மாவட்டத்தில் உள்ள அனைத்து அரசு துறை ஜீப் ஓட்டுநர்களுக்கும் இலவச வீட்டுமனைப் பட்டா வழங்க மாவட்ட நிர்வாகம் நடவடிக்கை எடுக்க வேண்டும். அனைத்து துறைகளிலும் வேலைவாய்ப்புத் துறை மூலம் நேரடியாக ஜீப் ஓட்டுநர் பணியிடங்களை நிரப்ப வேண்டும்.

விருதுநகர், சிவகாசியில் உள்ள வணிக வரித் துறை அலுவலகங்களில் அலுவலக உதவியாளர்களைக் கொண்டு வாகனங்கள் இயக்குவதை தடை செய்ய வேண்டும். அரசு துறை ஊர்தி ஓட்டுநர்களுக்கு மாவட்ட ஆட்சியர் அலுவலக வளாகத்தில் ஓய்வு அறை ஏற்பாடு செய்ய வேண்டும் என வலியுறுத்தி தீர்மானங்கள் நிறைவேற்றப்பட்டன.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow