பெரம்பலூரில் உள்ள - கேந்திரிய வித்யாலயாவில் ஏப்.1 முதல் மாணவர் சேர்க்கைக்கு விண்ணப்பிக்கலாம் :

பெரம்பலூரில் இயங்கி வரும் மத்திய அரசு கல்வி நிறுவனமான கேந்திரிய வித்யாலயாவில் 2021-22-ம் ஆண்டுக்கான ஒன்றாம் வகுப்பில் மாணவர்களை சேர்க்க ஆன்லைன் மூலம் ஏப்.1-ம் தேதி முதல் 19-ம் தேதி வரை விண்ணப்பிக்க அழைப்பு விடுக்கப்பட்டுள்ளது.

மாணவர் சேர்க்கைக்கு https://www.kvsonlineadmission.kvs.gov.in என்ற இணையதள முகவரி, ஆன்ட்ராய்டு செல்போன் மூலம் https://www.kvsonlineadmission.kvs.gov.in/apps/ என்ற செயலி வழியாகவும் விண்ணப்பிக்கலாம்.

இதைத்தொடா்ந்து இதர வகுப்பில் உள்ள காலியிடங்களுக்கான சேர்க்கைக்கு ஏப்.8-ம் தேதி முதல் 15-ம் தேதி வரை நேரில் சென்று பதிவு செய்துகொள்ளலாம். மேலும் 2021-22-ம் ஆண்டுக்கான சேர்க்கை அட்டவ ணையின்படி பிளஸ் 1 வகுப்பில் சேர்வதற்கான படிவங்களை இணையதளத்தில் பதிவிறக்கம் செய்து கொள்ளலாம் என கேந்திரிய வித்யாலயா சங்கதன் சார்பில் தெரிவிக்கப்பட்டுள்ளது.