அதிமுக கூட்டத்துக்கு சென்ற பெண்ணுக்கு கொலை மிரட்டல் : திமுக பிரமுகர் மீது வழக்கு

திருப்பூர் தெற்கு தொகுதியில் போட்டியிடும் அதிமுக வேட்பாளர் சு.குணசேகரனை ஆதரித்து, திருப்பூர் பெரியதோட்டம், கோம்பைத்தோட்டம் உள்ளிட்ட பகுதிகளில் தமிழ் மாநில முஸ்லிம் லீக் செயலாளர் சேக் தாவூத் நேற்று முன்தினம் பிரச்சாரத்தில் ஈடுபட்டார். அப்போது, திருப்பூர் - காங்கயம் சாலை சிடிசி கார்னர் பகுதியில் ஜபின் (24) மற்றும் பிரியங்கா ஆகியோர் பிரச்சாரத்தை முடித்துவிட்டு இருசக்கர வாகனத்தை எடுத்துள்ளனர். அந்த வழியாக வந்த 45-வது வார்டு திமுக உறுப்பினர் அமான் (எ) அக்பர், ஜபினை தகாத வார்த்தைகளில் பேசி, கொலை மிரட்டல் விடுத்ததாராம். இதுதொடர்பான புகாரின் பேரில், தெற்கு போலீஸார் வழக்கு பதிந்து விசாரிக்கின்றனர்.