ஆவணங்கள் இன்றி கொண்டு சென்ற 24 கிலோ வெள்ளி நகைகள் பறிமுதல் :

ராமநாதபுரம்: பார்த்திபனூர் அருகே பரமக்குடி தொகுதி தேர்தல் பறக்கும்படையினர் நேற்று இரவு வாகனச் சோதனையில் ஈடுபட்டனர். அப்போது மதுரையிலிருந்து பரமக்குடி நோக்கி வந்த ஆட்டோ ஒன்றை சோதனையிட்டனர். அதில் மதுரையைச் சேர்ந்த வெள்ளி மொத்த வியாபாரி சிவநந்தன்(47) என்பவர் உரிய ஆவணங்களின்றி 24 கிலோ வெள்ளி நகைகளை கொண்டு வந்தது தெரிய வந்தது. அதனையடுத்து பறக்கும்படையினர் 24 கிலோ வெள்ளி நகைகளை பறிமுதல் செய்து, பரமக்குடி வட்டாட்சியர் அலுவலகத்தில் ஒப்படைத்தனர்.

சாயல்குடியில் நேற்று தேர்தல் பறக்கும் படை அதிகாரி சேகர் தலைமையில் வாகனச் சோதனை நடைபெற்றது. அப்போது பிள்ளையார்குளம் கிராமத்தைச் சேர்ந்த திராவிடமணி என்பவர் உரிய ஆவணங்களின்றி கொண்டு வந்த ரூ. 6 லட்சத்தை தேர்தல் பறக்கும் படை அதிகாரிகள் பறிமுதல் செய்து வட்டாட்சியர் அலுவலகத்தில் ஒப்படைத்தனர்.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow