ஸ்தலசயன பெருமாள் கோயிலில் தீர்த்தவாரி உற்சவம் கடலில் இறங்கி பக்தர்கள் புனித நீராடினர்

ஸ்தலசயன பெருமாள் கோயிலில் மாசிமக பிரம்மோற்சவ விழாவில் நடைபெற்ற தீர்த்தவாரியில், சக்கரத்தாழ்வாருடன் கடலில் இறங்கி பக்தர்கள் புனித நீராடினர்.

செங்கல்பட்டு மாவட்டம், மாமல்லபுரம் நகரில் திருக்கடல்மல்லை எனப்படும் ஸ்தலசயன பெருமாள் கோயில் அமைந்துள்ளது. இங்கு, மாசிமக உற்சவமாக நேற்று கடற்கரையில் தீர்த்தவாரி நிகழ்ச்சி நடைபெற்றது. இதில், காலை 8 மணிக்கு உற்சவர் ஸ்தலசயன பெருமாள் மற்றும் ஆதிவராஹ பெருமாள் மலர்களால் அலங்கரிக்கப்பட்ட கருட வாகனத்தின் மீது எழுந்தருளி பக்தர்களுக்கு அருள்பாலித்தனர். மேலும், நான்கு ராஜவீதிகளில் வீதியுலா வந்து கடற்கரையில் எழுந்தருளினர்.

சிறப்பு வழிபாடுகள்

இதில், ஏராளமான பக்தர்கள் கலந்துகொண்டு சுவாமி தரிசனம் செய்தனர். நிகழ்ச்சிக்கான ஏற்பாடுகளை செயல் அலுவலர் சங்கர் தலைமையில் மேலாளர் சந்தானம் உள்ளிட்ட பணியாளர்கள் மேற்கொண்டனர்.