கோவில்பட்டி அருகே வழிப்பறியில் ஈடுபட்ட 3 பேர் கைது

ஒடிஷா சோராம்பூரைச் சேர்ந்த பிபுபடா மகன் சிவசங்கர்(27). கோவில்பட்டியில் ரயில்வே ஒப்பந்த வேலை செய்துவரும் இவர்,மோட்டார் சைக்கிளில் இளையரசனேந்தல் மேம்பாலம் அருகேஉள்ள தனியார் அறுவை மில்முன்பு சென்று கொண்டிருந்தார்.

அப்போது மற்றொரு மோட்டார் சைக்கிளில் வந்த 3 பேர், சிவசங்கரை வழிமறித்து, தாக்கி ரூ.4 ஆயிரத்தை பறித் துள்ளனர்.

இதேபோல், மூப்பன்பட்டி விலக்கு அருகே பழுதாகி நின்ற அரசு பேருந்தின் முன்பக்க கண்ணாடியை 3 பேரும் சேதப்படுத்திஉள்ளனர்.

தகவல் அறிந்தவுடன்சம்பவ இடத்துக்குச் சென்ற கிழக்கு மற்றும் மேற்கு காவல் நிலைய போலீஸார் வாகனச் சோதனையில் ஈடுபட்டனர்.

அப்போது மோட்டார் சைக்கிளில் வந்த 3 பேரை நிறுத்தி விசாரித்ததில், அவர்கள் கோவில்பட்டி இந்திரா நகரைச் சேர்ந்த முனியசாமி மகன் போஸ் (20), சங்கரவிநாயகம் மகன் தங்கத்துரை(19) மற்றும் 15 வயது சிறுவன் என்பதும், அரசு பேருந்தை சேதப்படுத்தியது, இளைஞரிடம் பணம் பறித்தது தெரியவந்தது. 3 பேரையும் கோவில்பட்டி மேற்கு போலீஸார் கைது செய்தனர்.