திருஉத்தரகோசமங்கையில் ரஜினியின் சகோதரர் சிறப்பு வழிபாடு

ராமநாதபுரம்: நடிகர் ரஜினிகாந்த்-லதா தம்பதிக்கு வரும் 26-ம் தேதி திருமண நாள் வருகிறது. இதை முன்னிட்டு, ரஜினியின் நலனுக்காகவும், உலக நன்மைக்காகவும் திருஉத்திரகோசமங்கையில் உள்ள மங்களநாத சுவாமி கோயிலில் ரஜினி ரசிகர்கள் சார்பில் நேற்று சிறப்பு வழிபாடு, பூஜைகள் நடைபெற்றன. இந்நிகழ்ச்சியில் நடிகர் ரஜினியின் மூத்த சகோதரர் சத்தியநாராயணா, அவரது மகன் சந்திரகாந்த் மற்றும் குடும்பத்தினர் பங்கேற்றனர்.

முன்னதாக அவர்களை ரஜினி ரசிகர் மன்றம் சார்பில் மதுரை குமாரவேல், ராமநாதபுரம் பாலநமசிவாயம், கோவை சண்முகம், மதுரை மணிநகரம் உமாசங்கர் உள்ளிட்டோர் வரவேற்றனர். இன்று ஏர்வாடி தர்ஹாவிலும், நாளை ஓரியூர் தேவாலயத்திலும் சிறப்பு வழிபாடு நடத்தவுள்ளதாக ரசிகர் மன்றத்தினர் தெரிவித்தனர்.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow