தேக்கு மரம் கடத்தியவருக்கு 2 ஆண்டு சிறை

திருவாரூர் மாவட்டம் மன்னார்குடி அருகே செருகளத்தூர் பாமணி ஆற்றங்கரையில் 2014-ம் ஆண்டு அதே ஊரைச் சேர்ந்த சோமசுந்தரம்(40), தனது நண்பர்கள் தாயுமானவன்(45), ராஜேந்திரன்(46) ஆகியோருடன் சேர்ந்து தேக்கு மரம் ஒன்றை வனத்துறையின் அனுமதியின்றி வெட்டி, கடத்தியுள்ளார்.

இதுதொடர்பாக, மன்னார்குடி வனத் துறை அலுவலகம் சார்பில் வழக்கு பதிவு செய்யப்பட்டது. மன்னார்குடி 2-வது குற்றவியல் நீதிமன்றத்தில் நடைபெற்று வந்த இந்த வழக்கில் நேற்று நீதிபதி தீர்ப்பளித்தார்.

அதில், செருகளத்தூரைச் சேர்ந்த சோமசுந்தரத்துக்கு 2 ஆண்டுகள் சிறைத் தண்டனை, ரூ.7,000 அபராதம் விதித்து நீதிபதி உத்தரவிட்டார்.

மேலும், உடந்தையாக இருந்த தாயுமா னவன், ராஜேந்திரன் ஆகியோருக்கு தலா ரூ.1,000 அபராதம் விதித்தார்.