விடுபட்ட கட்டுமானத் தொழிலாளர்களுக்கு இன்றும், நாளையும் பொங்கல் பரிசு

திருநெல்வேலி தொழிலாளர் உதவி ஆணையர் (சமூக பாதுகாப்புத் திட்டம்) ஜே. காளிதாஸ் வெளியிட்ட செய்திக் குறிப்பு:

திருநெல்வேலி, தென்காசி மாவட்டங்களில் தொடர் மழையால் கட்டுமானத் தொழிலாளர்கள் நலவாரியம் வழங்கும் பொங்கல் பரிசுத் தொகுப்பை இதுவரை வாங்காத தொழிலாளர்களுக்கு இன்றும் (17-ம் தேதி), நாளையும் (18-ம் தேதி) வழங்கப்படுகிறது. பரிசுத் தொகுப்பு வழங்கப்படும் மையங்கள்:

திருநெல்வேலி மாவட்டம்: திருநெல்வேலி, பாளையங் கோட்டை, மானூர் தாலுகாக்கள்- பாளையங்கோட்டை புனித இக்னேஷியஸ் கான்வென்ட் மேல்நிலைப்பள்ளி. ராதாபுரம், திசையன்விளை, நாங்குநேரி தாலுகாக்கள்- வள்ளியூர் கன்கார்டியா மேல்நிலைப்பள்ளி. அம்பாசமுத்திரம், சேரன்மகாதேவி தாலுகாக்கள்- அம்பாசமுத்திரம் ஏவிஆர்எம்வி அரசு பெண்கள் மேல்நிலைப்பள்ளி.

தென்காசி மாவட்டம்

சங்கரன்கோவில், திருவேங்கடம், சிவகிரி தாலுகாக்கள்- சங்கரன் கோவில் சேனைத்தலைவர் மேல்நிலைப்பள்ளி, தென்காசி, செங்கோட்டை தாலுகாக்கள்- தென்காசி மஞ்சம்மாள் மகளிர் மேல்நிலைப்பள்ளி, ஆலங்குளம், வீ.கே.புதூர் தாலுகாக்கள்- ஆலங்குளம் அரசு மேல்நிலைப் பள்ளி, கடையநல்லூர் தாலுகா- கடையநல்லூர் அரசு பெண்கள் மேல்நிலைப்பள்ளி.