திருப்பாவை விநாடி - வினாப் போட்டி பரிசளிப்பு விழா

காஞ்சிபுரத்தில் நடைபெற்ற திருப்பாவை விநாடி - வினாப் போட்டிகளில் வெற்றி பெற்றவர்களுக்கு பரிசளிக்கும் நிகழ்ச்சி நேற்று நடைபெற்றது.

காஞ்சிபுரம் அழகிய சிங்கப் பெருமாள் கோயிலில் திருப்பாவை விநாடி - வினாப் போட்டிகள் நடத்தப்பட்டன. அதில் வெற்றி பெற்றவர்களுக்கு பரிசு வழங்கும் நிகழ்ச்சி நேற்று நடைபெற்றது. ரெங்க அனுக்கிரக  முன்னிலை வகித்து நடத்திய இந்தப் போட்டியில் வெற்றி பெற்றவர்களுக்கு இதய நோய் சிறப்பு மருத்துவர் பரணிக்குமார், ஹோமியோபதி மருத்துவர் வித்யா பிரியதர்ஷினி ஆகியோர் பரிசுகளை வழங்கி, வெற்றி பெற்றவர்களைப் பாராட்டினர்.

அழகிய சிங்கப் பெருமாள் கோயிலின் சுற்று வட்டாரத்தைச் சேர்ந்த 150-க்கும் மேற்பட்ட சிறுவர் - சிறுமிகள் கலந்து கொண்ட இந்நிகழ்ச்சிக்கான ஏற்பாடுகளை, அழகிய சிங்கப் பெருமாள் கோயிலின் பக்தர்கள் செய்திருந்தனர்.