ஆழ்வார்குறிச்சி கிளை நூலகத்துக்கு விருது

திருநெல்வேலி மாவட்ட ஆட்சியர் அலுவலகத்தில் நடைபெற்றமக்கள் குறைதீர் கூட்டத்தில், ஆழ்வார்குறிச்சி கிளை நூலகத்துக்கு விருது வழங்கப்பட்டது.

டாக்டர் எஸ் ஆர் அரங்கநாதன் விருதுக்கு தேர்வு செய்யப்பட்ட திப்பணம்பட்டி கிளை நூலக3-ம் நிலை நூலகர் மா.ரவிசந்திரனுக்கு, ஆட்சியர் வே.விஷ்ணு விருது வழங்கினார். நூலக ஆர்வலர் விருதுமாவட்ட மைய நூலக வாசகர்வட்ட நிர்வாகிகளுக்கு வழங்கப்பட்டது. மாநில அளவில் அதிகநன்கொடைகள் பெற்ற நூலகத்துக்கான விருது ஆழ்வார்குறிச்சி கிளை நூலகத்துக்கு வழங்கப்பட்டது.

நாங்குநேரி ஊராட்சி ஒன்றியத்தில் உதவி பொறியாளராக பணிபுரிந்தபோது காலமான லிங்சன்குமாரின் மகன் ஆகாஷ் என்பவருக்கு, கருணை முறையில் ஊர்நல அலுவலர் பணிநியமன ஆணை மற்றும் மாவட்ட வழங்கல்துறையின் சார்பில், திருநங்கைகள் 18 பேருக்கு ஸ்மார்ட் கார்டுகளை ஆட்சியர் வழங்கினார்.

மாவட்ட வழங்கல் அலுவலர் நடேசன், மாவட்ட ஆட்சியரின் நேர்முக உதவியாளர் (வளர்ச்சி) சசிகலா, மாவட்ட நூலக அலுவலர் வயலட் மற்றும் அலுவலர்கள் கலந்து கொண்டனர்.