திண்டுக்கல்லில் இருசக்கர வாகனங்களுக்கு தீ வைப்பு

திண்டுக்கல்: திண்டுக்கல் நகர் செல்லாண்டியம்மன் கோயில் தெருவைச் சேர்ந்த பத்திர எழுத்தர் விமலா. நேற்று முன்தினம் இரவு இவரது வீட்டின் முன் நிறுத்தப்பட்டிருந்த மூன்று இருசக்கர வாகனங்களுக்கு மர்ம நபர்கள் தீ வைத்தனர். தீ பற்றி எரிவதைக் கண்ட அக்கம்பக்கத்தினர் தீயணைப்புத் துறையினர், போலீஸாருக்கு தகவல் கொடுத்தனர். இதனால் தீ மேலும் பரவாமல் தடுக்கப்பட்டது. திண்டுக்கல் நகர் மேற்கு போலீஸார் வழக்குப்பதிவு செய்து விசாரணை நடத்தி வருகின்றனர். முன்விரோதம் காரணமாக சிலர் இருசக்கர வாகனங்களுக்கு தீ வைத்துள்ளது விசாரணையில் தெரிய வந்துள்ளது.

FOLLOW US