நூலகம் மூலம் பயிற்சி பெற்றவர் தேர்வில் வெற்றி

பாவூர்சத்திரம் அருகே உள்ள மகிழ்வண்ணநாதபுரத்தைச் சேர்ந்த வீ.ராமர் களஞ்சியம். இவர், தென்காசி வஉசி வட்டார நூலகத்தில் உறுப்பினராக உள்ளார். மேலும் நூலகத்தில் நடைபெற்று வரும் போட்டித் தேர்வுக்கான வகுப்புகள், மாதிரி தேர்வுகள், வழிகாட்டு வகுப்பு என நூலகம் மூலம் தொடர்ந்து பயிற்சி பெற்றார். இதனால், டிஎன்பிஎஸ்சி தேர்வில் வெற்றி பெற்று தற்போது திருநெல்வேலி மாவட்ட முதன்மை நீதிமன்றம் சார்ந்த குடும்பநல நீதிமன்றத்தில் பணி நியமனம் பெற்றுள்ளார்.

தேர்வில் வெற்றி பெறு வதற்கு உதவிய தென்காசி வ.உ.சி. வட்டார நூலக வளர்ச்சிக்கு உதவும் வகையில் நூலகத்துக்கு ரூ.1,000 வழங்கி 222-வது புரவலராக இணைந்தார். அவருக்கு மாவட்ட நூலக அலுவலர் இரா.வயலட், கண்காணிப்பாளர் சங்கரன், நூலக ஆய்வாளர் கணேசன், வட்டார நூலகர் பிரமநாயகம், நூலகர்கள் சுந்தர், ஜீலியாராஜ செல்வி, நிஹ்மத்துன்னிஸா, ராஜேஸ்வரி மற்றும் வாசகர் வட்ட நிர்வாகிகள் வாழ்த்து தெரிவித்தனர்.