திருவள்ளூர் வீரராகவ பெருமாள் கோயிலில் பக்தர்களுக்கு அமாவாசை தரிசனம் ரத்து

திருவள்ளூர் வீரராகவபெருமாள் கோயிலில் வரும் 14-ம் தேதி தீபாவளி அன்று அமாவாசை என்பதால், ஆயிரக்கணக்கான பக்தர்கள் வருகை தந்தால், கரோனா பரவ அதிக வாய்ப்புள்ளது. இதைத் தவிர்க்கும்விதமாக, நாளை (நவ.13) மதியம் 12 மணி முதல் 14-ம் தேதி நள்ளிரவுவரை பக்தர்களுக்கு தரிசனத்தை ரத்து செய்துள்ளது கோயில் நிர்வாகம்.

அதுமட்டுமல்லாமல், கோயில் தெப்பக்குளத்தில் தர்ப்பணம் செய்வதை தவிர்க்கும் வகையில் தெப்பக்குள வாயில்களும் நாளை மதியம் மூடப்பட உள்ளன என, கோயில் நிர்வாகம் தெரிவித்துள்ளது.