மதுக்கடை அமைக்க மக்கள் எதிர்ப்பு

தஞ்சாவூர் ஒன்றியம் திருவை யாறு அருகேயுள்ள உமையவள் ஆற்காடு, நாகத்தி ஆகிய 2 கிராமங்களுக்கும் இடையே சாலையோரத்தில் அரசு டாஸ்மாக் மதுபானக் கடை அமைக்கும் பணிகள் நடைபெற்று வந்தன.

இதற்கு அப்பகுதி மக்கள் எதிர்ப்பு தெரிவித்து வந்த நிலையில், இந்தக் கடை நவ.1-ம் தேதி திறக்கப்படும் என தகவல் வெளியானது.

இதையடுத்து, உமையவள் ஆற்காடு கிராமத்தைச் சேர்ந்த பொதுமக்கள் நேற்று ஆட்சியர் அலுவலகம் முன்பு திரண்டு, ஆர்ப்பாட்டத்தில் ஈடுபட்டனர். தொடர்ந்து, மதுக்கடை திறக்க அனுமதிக்கக் கூடாது என ஆட்சியர் ம.கோவிந்தராவிடம் மனு அளித்தனர்.