மீனாட்சியம்மன் கோயிலில் மார்கழி திருப்பள்ளி எழுச்சி பூஜை டிச.19-ல் ஆருத்ரா தரிசனம் :

மதுரை மீனாட்சியம்மன் கோயில் இணை ஆணையர் க.செல்லத்துரை வெளியிட்ட செய்திக்குறிப்பு:

மீனாட்சியம்மன் கோயிலில் மார்கழி மாத திருப்பள்ளி எழுச்சி பூஜைகள் டிச.16-ம் தேதி முதல் 2022 ஜனவரி 13 முடிய நடைபெற உள்ளன. இந்நாட்களில் அதிகாலையில் சேவார்த்திகளுக்கு திருஞானசம்பந்தர் சன்னதி முன்பாக திருஞானபால் வழங்கப்படும்.

இந்நாட்களில் வெளிக்கோபுர கதவுகள், அதிகாலையில் 4 மணிக்கு திறக்கப்பட்டு உச்சிகால பூஜை முடிந்து பகல் 12 மணிக்கு நடை சாத்தப்படும். பின்னர் மீண்டும் மாலை 4 மணிக்கு நடை திறக்கப்பட்டு இரவு 8.30 மணிக்கு பல்லக்கில் புறப்பாடாகி பூஜை ஆரம்பமாகி இரவு 9 மணிக்கு பூஜை முடிந்தவுடன் கோயில் நடை சாத்தப்படும். அதிகாலை 4.30 மணி முதல் பக்தர்கள் தரிசனத்துக்கு அனுமதிக்கப்படுவர்.

எண்ணெய்க்காப்பு உற்சவம் டிச.11 முதல் டிச.19 வரை நடைபெறும். டிச.11 முதல் 20-ம் தேதி வரை திருவெண்பா உற்சவம் நடைபெறும். அதனைத்தொடர்ந்து நடராஜப்பெருமானுக்கு உகந்த மார்கழி மாத திருவாதிரை தினத்தன்று ஆருத்ரா தரிசனம் டிச.19 நள்ளிரவு முதல் 20ம் தேதி அதிகாலை வரை பிரதான அபிஷேகம் நடைபெறும்.