மாவட்ட அளவிலான சதுரங்கப் போட்டியில் வென்று - மதுரை அரசு பள்ளி மாணவர்கள் சாதனை :

மதுரை சரஸ்வதி நாராயணன் கல்லூரி சார்பில் மாவட்ட அளவிலான சதுரங்கப் போட்டி நடைபெற்றது.

இதில் 13 வயதுக்குட்பட்டோர் பிரிவில் மேலூர் அ.வல்லாளப்பட்டி அரசு மேல்நிலைப் பள்ளி 7-ம் வகுப்பு மாணவி அ.சோலையம்மாள் முதலிடம் பெற்றார். அதே பள்ளி யின் 8-ம் வகுப்பு மாணவர் எஸ்.தேவ்நாத் 4-வது இடம் பெற்றார்.

போட்டியில் வெற்றி பெற்ற மாணவர்களை அ.வல்லாளப்பட்டி அரசு மேல் நிலைப் பள்ளி தலைமை ஆசிரியர் கிறிஸ்டோபர் ஜெயசீலன், அ.செட்டியார்பட்டி பள்ளி தலைமை ஆசிரியை மு.மணிமேகலை, ஆசிரியரும், சதுரங்கப் பயிற்சியாளருமான ஞா.செந்தில்குமார் ஆகியோர் பாராட்டினர்.