ரயில்வே கோட்டத்தில் ஒற்றுமை தின உறுதிமொழி ஏற்ற அலுவலர்கள் :

மதுரை ரயில்வே அலுவலகத்தில் கோட்ட மேலாளர் தலைமையில் தேசிய ஒற்றுமை தின உறுதிமொழி ஏற்ற அலுவலர்கள்.

மதுரை: சர்தார் வல்லபாய் படேல் பிறந்த தினத்தை முன்னிட்டு தெற்கு ரயில்வே மதுரை கோட்டம் சார்பில், ரயில்வே அலுவலகத்தில் தேசிய ஒற்றுமை தினம் கொண்டாடப்பட்டது. இந்நிகழ்வில் சர்தார் வல்லபாய் படேல் உருவப் படத்துக்கு கோட்ட ரயில்வே மேலாளர் பத்மநாபன் அனந்த் மாலை அணிவித்து மரியாதை செய்தார்.

கோட்ட ரயில்வே மேலாளர் தேசிய ஒற்றுமை தின உறுதி மொழியை வாசிக்க அதிகாரிகள், ஊழியர்கள், ரயில்வே பாதுகாப்புப் படை வீரர்கள், சாரண, சாரணியர் உறுதிமொழி எடுத்தனர். இதைத்தொடர்ந்து ரயில்வே பாதுகாப்பு படை வீரர்களின் அணிவகுப்பு நடந்தது. விழாவில் கூடுதல் கோட்ட மேலாளர் தண்ணீரு ரமேஷ்பாபு, முதுநிலைக் கோட்ட ஊழியர் நல அதிகாரி சி.சுதாகரன், உதவிப் பாதுகாப்பு ஆணையர் ஆர்.சுபாஷ், கோட்ட மேலாளர் அலுவலக அலுவலர் ராதா உள்ளிட்டோர் கலந்துகொண்டனர்.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow