மதுரை அல் அமீன் பள்ளியில் - பாதுகாப்பாக பட்டாசு வெடிக்க விழிப்புணர்வு :

மதுரை கோ.புதூர் அல் அமீன் மேல்நிலைப் பள்ளியில் மாணவர்கள் விபத்தில்லா மற்றும் மாசில்லா தீபாவளியை கொண்டாடுவது குறித்த விழிப்புணர்வு நிகழ்ச்சி நடைபெற்றது.

தலைமையாசிரியர் ஷேக்நபி முன்னிலை வகித்தார். தல்லாகுளம் தீயணைப்பு நிலைய அலுவலர் சுப்பிரமணியன் தலைமையில் முன்னணி தீயணைப்பாளர் லெட்சுமய்யா, தீயணைப்பாளர்கள் விஜய் ஆனந்த், அழகுமலை, தீயணைப்பு வாகன ஓட்டுநர் தனசேகரன் ஆகியோர் செயல்முறை விளக்கம் அளித்தனர்.

வெடிகளை கையில் பிடித்து பற்ற வைக்கக் கூடாது. புஸ்வாணம், ராக்கெட் போன்றவற்றை சற்று தள்ளியிருந்து பற்ற வைக்க வேண்டும் உள்ளிட்ட அறிவுரைகளை வழங்கினர்.

உதவித் தலைமை ஆசிரியர்கள் ஜாஹிர் உசேன், ரஹ்மத்துல்லா உள்ளிட்டோர் கலந்து கொண்டனர். நிகழ்ச்சிக்கான ஏற்பாடுகளை முகமது மாலிக், தவுபிக் ராஜா, ஷெரிப் அலி ஆகியோர் செய்திருந்தனர்.