மதுரையில் பூட்டிய வீடுகளில் கைவரிசை காட்டிய கும்பல் கைது : ரூ.24 லட்சம் மதிப்பு நகை, பொருட்கள் பறிமுதல்

மதுரை திருநகர், சுப்ரமணியபுரம், எஸ்எஸ். காலனி பகுதிகளில் பூட்டிய வீடுகளை குறிவைத்து கொள்ளை அடிப்பவர்களை பிடிக்க தனிப்படைகள் அமைத்து காவல் ஆணையர் பிரேமானந்த் சின்கா உத்தரவிட்டார்.

இதன்படி காவல் துணை ஆணை யர்கள் தங்கத்துரை, ராசசேகரன் மேற்பார்வையில் தனிப்படையினர் தீவிர தேடுதல் வேட்டையில் ஈடுப ட்டனர். இதில் தேனி மாவட்டம், அல்லிநகரத்தைச் சேர்ந்த சோனி ராஜா, அவரது கூட்டாளி வாடிப்பட்டி பெரியராமு, தென்பரங்குன்றம் சுலைமான், செக்கானூரணி கின்னி மங்கலம் அழகர்சாமி, பொம்மி நாயக்கன்பட்டி ராஜ்குமார் ஆகியோர் கைது செய்யப்பட்டனர்.

அவர்களிடம் இருந்து பைக், டிவி, ரூ. 23.80 லட்சம் மதிப்பு நகைகள் உள்ளிட்டவை பறிமுதல் செய்யப்பட்டன. தனிப்படையினரை காவல் ஆணையர் பாராட்டினார். அவர் கூறுகையில், சிசிடிவி கேமரா க்கள் குற்றவாளிகளை பிடிக்க உதவி யதாகத் தெரிவித்தார்.