ரங்கம் கோயிலில் ரூ.95.80 லட்சம் உண்டியல் காணிக்கை :

திருச்சி ரங்கம் ரங்கநாதர் கோயிலில் நேற்று உண்டியல்கள் திறக்கப்பட்டு காணிக்கைகள் கணக்கிடப்பட்டன. இதில், ரொக்கமாக ரூ.95,79,559 வரப் பெற்றிருந்தது.

மேலும், 271 கிராம் தங்கம், 1,233 கிராம் வெள்ளி மற்றும் ஏராளமான வெளிநாட்டு கரன்சிகளும் வரப் பெற்றிருந்தன.

ரங்கம் கோயில் இணை ஆணையர் செ.மாரிமுத்து முன்னிலையில், உதவி ஆணையர் கு.கந்தசாமி, புதுக்கோட்டை மாவட்ட உதவி ஆணையர் நா.சுரேஷ் ஆகியோர் மேற்பார்வையில் கோயில் ஊழியர்கள் மற்றும் தன்னார்வலர்கள் காணிக்கை கணக்கிடும் பணியில் ஈடுபட்டனர்.