- துப்பாக்கியை காட்டி பணம் பறிப்பு :

மதுரை எஸ்.எஸ்.காலனியை சேர்ந்தவர் ஹரிகரசுதன். ஆட்டோ ஓட்டுநர். இவர் நேற்று முன்தினம் மாலை தனது வீட்டுக்கு அருகிலுள்ள கடைக்குச் சென்றார். அப்போது, அவரை வழி மறித்த ஒருவர், அவரிடம் துப்பாக் கியைக் காட்டி மிரட்டி ரூ. 1,100ஐ பறித்துச் சென்றார்.

இதுகுறித்த புகாரின்பேரில், எஸ்.எஸ்.காலனி காவல் ஆய்வாளர் பூமிநாதன் தலை மையிலான தனிப்படையினர் தீவிர விசாரணை நடத்தினர். இதில் வழிப்பறியில் ஈடுபட்டவர் மதுரை சம்மட்டிபுரத்தைச் சேர்ந்த நல்லமாயன் மகன் சாரதி (எ) சாரதிகுமார் (30) என்பது தெரியவந்தது.

அவரை போலீஸார் கைது செய்து கைத்துப்பாக்கி உள்ளிட்டவற்றை பறிமுதல் செய்து விசாரிக்கின்றனர்.