மத நல்லிணக்க உறுதிமொழி ஏற்பு :

மகாத்மா காந்தி பிறந்த நாளை யொட்டி தமிழ்நாடு மக்கள் ஒற்றுமை மேடை சார்பில் ‘மத நல்லிணக்க உறுதிமொழி’ ஏற்பு நிகழ்ச்சி தி.மலை யில் நேற்று நடை பெற்றது.

மாவட்ட ஒருங்கிணைப்பாளர் எஸ்.ராமதாஸ் தலைமை வகித்தார். மகாத்மா காந்தி சிலைக்கு மார்க்சிஸ்ட் கம்யூனிஸ்ட் கட்சி செயற்குழு உறுப்பினர் எம்.வீரபத்திரன் மாலை அணிவித்து மரியாதை செலுத்தினார். மத நல்லிணக்க உறுதிமொழியை பள்ளி மாணவி அபிராமி வாசிக்க, மற்றவர்களும் வாசித்து உறுதிமொழி ஏற்றனர்.

இதில், மார்க்சிஸ்ட் கம்யூனிஸ்ட் கட்சி மாவட்டச் செயலாளர் சிவக்குமார், மனித நேய மக்கள் கட்சி மாவட்டத் தலைவர் கலிமுல்லா, செயலாளர் நாசர்உசேன், ஓய்வூதியர் சங்க நிர்வாகிகள் சந்துரு, நீதி மாணிக்கம், சந்திரசேகர் தமிழ்நாடு முற்போக்கு எழுத்தாளர்கள் கலைஞர்கள் சங்க நிர்வாகி வசந்தபிரபு, ரமேஷ் உட்பட பலர் கலந்துகொண்டனர்.