காட்பாடியில் நாளை மறுதினம் மின் நிறுத்தம் :

காட்பாடி பகுதியில் வரும் 28-ம் தேதி மின் நிறுத்தம் செய்யப்பட உள்ளது என கோட்ட மின்வாரிய செயற்பொறியாளர் பரிமளா தெரிவித்துள்ளார்.

இதுகுறித்து அவர் வெளியிட்டுள்ள செய்திக்குறிப்பில், ‘‘காட்பாடி துணை மின் நிலையத்தில் மாதாந்திர அத்தியாவசிய பராமரிப்புப் பணிகள் வரும் 28-ம் தேதி (நாளை மறுதினம்) மேற்கொள்ளப் பட உள்ளது. எனவே, அன்றைய தினம் காலை 9 மணி முதல் பிற்பகல் 2 மணி வரை காந்திநகர், செங்குட்டை,காட்பாடி, கல்புதூர், காங்கேயநல்லூர், வண்டறந்தாங்கல், கழிஞ்சூர், சேனூர், வஞ்சூர், கிறிஸ்டியான்பேட்டை, காட்பாடி, பள்ளிகுப்பம், கன்சாலூர், வடுகன்குட்டை, எல்.ஜி.புதூர் மற்றும் அதனை சுற்றியுள்ள பகுதிகளில் மின் விநியோகம் நிறுத்தப்பட உள்ளது’’ என்று தெரிவித்துள்ளார்.