இ.எஸ்.ஐ.சி. மருத்துவக் கல்லூரிகளில் விண்ணப்பிக்க காலஅவகாசம் நீட்டிப்பு :

திருநெல்வேலி இஎஸ்ஐசி மண்டல துணை இயக்குநர் எஸ். கிருஷ்ணகுமார் வெளியிட்ட செய்திக்குறிப்பு:

இஎஸ்ஐ கழகத்தில் காப்பீடு செய்த நபர்களின் வாரிசுகளிடமிருந்து, காப்பீட்டு நபர் இடஒதுக்கீட்டின்கீழ், இஎஸ்ஐ மருத்துவக் கல்லூரிகளில் 2021-2022-ம் கல்வியாண்டுக்கான எம்.பி.பி.எஸ். மற்றும் பி.டி.எஸ். சேர்க்கைக்கு விண்ணப்பங்களை சமர்ப்பிக்க காலஅவகாசம் நீட்டிக்கப்பட்டுள்ளது.

நீட் தேர்வில் தகுதி பெற்ற இஎஸ்ஐ காப்பீட்டு நபர்களின் வாரிசுகள் வரும் 27-ம் தேதி இரவு 11.59 மணி வரை இணையவழியாக விண்ணப்பிக்கலாம். மேலும், விவரங்களுக்கு www.esic.nic.in மற்றும் www.mcc.nic.in என்ற இணையதளத்தை பார்க்கலாம். பூர்த்தி செய்யப்பட்ட விண்ணப்பங்கள் மற்றும் இதர ஆவணங்களை வரும் 28-ம் தேதிக்குள் சம்பந்தப்பட்ட இஎஸ்ஐ கிளை அலுவலகத்தில் சமர்ப்பிக்க வேண்டும். இதற்காக இஎஸ்ஐசி கிளை அலுவலகம் மற்றும் துணை மண்டல அலுவலகம் ஆகியவை வரும் சனி மற்றும் ஞாயிற்றுக்கிழமைகளில் செயல்படும் என்று தெரிவித்துள்ளார்.