லஞ்சம் வாங்கிய சர்வேயர் கணவருடன் கைது :

விக்கிரவாண்டி அருகே அரும்புலி கிராமத்தைச் சேர்ந்தவர் கருணாகரன். கொத்தனாரான இவர்அதே கிராமத்தில் வீட்டுமனையை கிரையம் பெற்றார். இம்மனையை பட்டா மாற்றம் செய்யும் முன் மனைகளை அளந்து, உட்பிரிவு செய்யவேண்டி விக்கிரவாண்டி வட்டாட்சியர் அலுவலகத்தில் விண்ணப்பித் தார். விக்கிரவாண்டி பகுதி சர்வேயரான தேவி (48) கருணாகரனிடம் வீட்டுமனையை அளவீடு செய்ய ரூ. 7 ஆயிரம் லஞ்சம் கேட்டுள்ளார். இப்பணத்தை விழுப்புரம், பாலாஜிநகரில் உள்ள தனது இல்லத்தில் கொடுக்கவேண்டும் என்று தேவி கூறியுள்ளார். லஞ்சம் கொடுக்கவிரும்பாத கருணாகரன் விழுப்புரம்லஞ்ச ஒழிப்பு போலீஸில் புகார்செய்தார். இதனை தொடர்ந்துபோலீஸாரின் அறிவுரைப்படிநேற்று பிற்பகல் கருணாகரன் தேவி யின் இல்லத்திற்கு சென்று லஞ்சப்பணம் ரூ. 7 ஆயிரத்தை கொடுத்துள்ளார். அப்போது அங்கு மறைந்திருந்த லஞ்ச ஒழிப்பு டிஎஸ்பி தேவநாதன் தலைமையிலான போலீஸார் தேவி மற்றும் அவருக்கு உதவியாக இருந்த அவரது கணவர் வெற்றிவேல் ஆகியோரை கைது செய்தனர்.