கோவை-லோக்மான்ய திலக் ரயில் வழித்தடத்தில் மாற்றம் :

தெற்கு ரயில்வேயின் சேலம் கோட்ட அலுவலகம் வெளியிட்ட செய்திக் குறிப்பில் கூறியிருப்பதாவது:

ஆந்திர மாநிலம் ரங்கேபள்ளி ரயில் நிலையத்தில் பராமரிப்புப் பணி நடைபெறுவதால், வரும் 16-ம் தேதி (நாளை) லோக்மான்ய திலக் ரயில் நிலையத்தில் இருந்து புறப்பட்டு வரும் 18-ம் தேதி கோவை ரயில்நிலையம் வந்தடையும் சிறப்பு ரயில் (எண்: 01013) குண்டக்கல், தர்மாவரம், எலஹன்கா, கேஎஸ்ஆர் பெங்களூரு, ஓசூர், சேலம் வழித்தடத்தில் வருவதற்கு பதில், குண்டக்கல், குடப்பா, ரேனிகுண்டா, ஜோலார்பேட்டை, சேலம் வழியாக மாற்று வழியில் இயக்கப்படும். அதேபோல, வரும் 17-ம் தேதி காலை 8.55 மணிக்கு கோவையில் இருந்து லோக்மான்ய திலக் புறப்பட்டுச் செல்லும் சிறப்பு ரயில் (எண்: 01014) சேலம், ஓசூர், கேஎஸ்ஆர் பெங்களூரு, எலஹன்கா, தர்மாவரம், குண்டகல் வழியாக செல்வதற்கு பதில், சேலம், ஜோலார்பேட்டை, ரேனிகுண்டா, குடப்பா, குண்டக்கல் வழியாக இயக்கப்படும். இவ்வாறு அதில் தெரிவிக்கப்பட்டுள்ளது.