மானியத்தில் நெல் விதைகள் :

புதுச்சேரி கூடுதல் வேளாண் இயக்குநர் வசந்தகுமார் செய்திக்குறிப்பில் தெரிவித்துள்ள விவரம் வருமாறு:

சம்பா பருவத்திற்கான வெள்ளை பொன்னி, பொன்மணி, பாபட்லா 5204 ஆகிய சான்றுவிதைகள் உற்பத்தி செய்யப்பட்டுள்ளன. இவை புதுச்சேரி வேளாண் உற்பத்தியாளர் நிறுவனம் (பாப்கோ) மூலம் சம்பாசாகுபடிக்கு மானிய விலையில்வழங்கப்பட உள்ளது.

உழவர் உதவியகங்களை அணுகி, அனுமதிச் சான்றினைப் பெற்று, பாப்கோ விற்பனை மையங்களில் மானிய விலையில் நெல் விதைகளை பெறலாம்.

நெல் விதைகளை வாங்கியதற்கான ரசீதை நெல் உற்பத்தி ஊக்கத்தொகை கோரும் உரியஆவணங்களுடன் இணைத்து, வரும் அக்டோபர் 30-ம் தேதிக்குள் உழவர் உதவியக அலுவலகத்தில் சமர்ப்பிக்க வேண்டும்.