மதுரையில் போலீஸார் 90 பேர் பணியிட மாற்றம் :

மதுரையில் எஸ்.ஐ.கள், காவ லர்கள் என மொத்தம் 90 பேரை பணியிட மாற்றம் செய்து மாநகர காவல் ஆணையர் உத்தர விட்டார்.

மதுரை நகரில் 24-க்கும் மேற்பட்ட காவல்நிலையங்கள் செயல்படுகின்றன. ஒவ்வொரு காவல் நிலையத்திலும் தொடர்ந்து 3 ஆண்டுகளுக்கு மேல் பணிபுரியும் சிறப்பு எஸ்.ஐ.கள், தலைமைக் காவலர்கள் பணியிட மாற்றம் செய்யப்படுவர். 3 ஆண்டுகளுக்கு மேல் பணியாற்றிய சிறப்பு எஸ்.ஐ.கள், தலைமைக் காவலர்கள், மகளிர் காவலர்கள் பட்டியல் தயாரிக்கப்பட்டது. ஒவ்வொருவரிடமும் இருந்து 3 காவல் நிலையங்களுக்கான விருப்ப மாறுதல் மனுக்கள் பெறப்பட்டன. இதன்படி மொத்தம் 90 பேரை காவல் ஆணையர் பிரேமானந்த் சின்கா பணியிட மாற்றம் செய்து உத்தர விட்டார்.