திண்டுக்கல் மாவட்ட ஆட்சியராக எஸ்.விசாகன் பொறுப்பேற்பு :

திண்டுக்கல் மாவட்ட ஆட்சியராக எஸ்.விசாகன் பொறுப்பேற்றார்.

மதுரை மாநகராட்சி ஆணையாளராக பணிபுரிந்த எஸ்.விசாகன், இடமாறுதல் செய்யப்பட்டு தற்போது திண்டுக்கல் மாவட்ட ஆட்சியராக நியமிக்கப்பட்டுள்ளார். திண்டுக்கல்லில் அவர் நேற்று பொறுப்பேற்றார். பின்னர் செய்தியாளர்களிடம் ஆட்சியர் கூறியதாவது: மாவட்ட நிர்வாகம் வெளிப்படைத்தன்மையுடன் செயல்படுவதை உறுதி செய்வேன். மக்கள் தெரிவிக்கும் புகார்கள் மீது குறிப்பிட்ட காலத்துக்குள் தீர்வு காணப்படும் என்றார்.

பி.இ. (மெக்கானிக்கல்), எம்.பி.ஏ. (நிதி மேலாண்மை) படித்துள்ள எஸ்.விசாகன், 2014-ம் ஆண்டு ஐ.ஏ.எஸ். தேர்ச்சி பெற்றார். அதன் பின் தருமபுரி மாவட்ட வருவாய் அலுவலராகப் பணிபுரிந்தார். இதனையடுத்து தொழில் துறை, கலைப் பண்பாட்டுத் துறை உள்ளிட்ட பல்வேறு துறைகளில் பணிபுரிந்துள்ளார்.