நாமக்கல்லில் 6 தொகுதியிலும் தபால் வாக்குகளை அள்ளிய திமுக :

நாமக்கல் மாவட்டத்தில் உள்ள 6 சட்டப்பேரவைத் தொகுதியிலும் பதிவான தபால் வாக்குகளில் திமுக அதிக வாக்குகளைப் பெற்றுள்ளது.

நாமக்கல் மாவட்டத்தில் உள்ள 6 சட்டப் பேரவைத் தொகுதிகளுக்கான வாக்கு எண்ணிக்கையின்போது முதலில் தபால் வாக்குகள் எண்ணப்பட்டன. இதில் 6 தொகுதியிலும் திமுகவுக்கே அதிக தபால் வாக்குகள் பதிவாகியிருந்தன. ராசிபுரம் (தனி) தொகுதியில் அதிமுகவுக்கு 924 தபால் வாக்குகளும், திமுகவுக்கு 2,115 வாக்குகளும் பதிவாகின.

இதுபோல் நாமக்கல்லில் அதிமுக - 1,590, திமுக - 3,014, சேந்தமங்கலம் (பகு) அதிமுக 485, திமுக 1,535, பரமத்திவேலூர் அதிமுக 1,441, திமுக 2,310, திருச்செங்கோடு திமுக 1,754, அதிமுக 818, குமாரபாளையம் அதிமுக - 595, திமுக 633 வாக்குகள் பெற்றன. இதன்படி 6 தொகுதியிலும் தபால் வாக்கில் அதிமுகவைக் காட்டிலும் திமுக அதிக வாக்குகள் பெற்று முன்னிலை வகித்தது. பதிவான மொத்த தபால் வாக்குகளில் 1,269 செல்லாதவையாக அறிவிக்கப்பட்டது.