வெவ்வேறு விபத்துகளில் 2 பேர் உயிரிழப்பு :

தென்காசி மாவட்டம், ஆலங்குளம்அருகே உள்ள அய்யனார்குளம் கிராமத்தைச் சேர்ந்தவர் பரமசிவன் (57). இவரது மனைவிசுப்புலெட்சுமி (52). இவர்கள்,தங்கள் மகள் திருமணத்தையொட்டி உறவினர்களுக்கு அழைப்பிதழ் கொடுக்க அரசன்குளத்துக்கு இருசக்கர வாகனத்தில் சென்றனர்.

மருதம்புத்தூர் அருகே சென்றபோது, வாகனத்தில் பின்னால் அமர்ந்திருந்த சுப்புலெட்சுமி தவறிவிழுந்தார். இதில் பலத்த காயம்அடைந்த அவர், திருநெல்வேலி அரசு மருத்துவக் கல்லூரி மருத்துவமனையில் சேர்க்கப்பட்டார். அங்கு சிகிச்சை பலனின்றி பரிதாபமாக உயிரிழந்தார். இதுகுறித்து ஆலங்குளம் போலீஸார் விசாரணை நடத்தி வருகின்றனர்.

ஊத்துமலை அருகே உள்ள ரதமுடையார்குளம் கிராமத்தைச் சேர்ந்தவர் சின்னதம்பி (60). இவர், சோலைசேரியைச் சேர்ந்த முருகன் (55) என்பவருடன் இருசக்கர வாகனத்தில் மரியதாய்புரத்துக்கு சென்று கொண்டிருந்தார்.

அப்போது, நிலை தடுமாறிய இருசக்கர வாகனம் சாலையோர பள்ளத்தில் விழுந்தது. இதில் சம்பவ இடத்திலேயே சின்னதம்பி பரிதாபமாக உயிரிழந்தார். படுகாயமடைந்த முருகன் தனியார் மருத்துவமனையில் சேர்க்கப்பட்டார்.

விபத்து குறித்து ஊத்துமலை போலீஸார் விசாரணை நடத்தி வருகின்றனர்.