வாக்குச்சாவடிகளில் எஸ்.பி. ஆய்வு :

திருநெல்வேலி மாவட்டத்தில் பதற்றமான வாக்குச் சாவடிகளில் மாவட்ட காவல் கண்காணிப்பாளர் மணிவண்ணன் ஆய்வு செய்தார்.

திருநெல்வேலி மாவட்டத்தில் பதற்றமான வாக்குச் சாவடிகள் அமைந்துள்ள பகுதிகளில் துணை ராணுவத்தினருடன் உள்ளூர் போலீஸார் கொடி அணிவகுப்பு நடத்தி வருகின்றனர். இந்நிலையில், திருநெல்வேலி அருகே மானூர் காவல் நிலைய எல்லைக்கு உட்பட்ட ராமையன்பட்டி, சேதுராயன்புதூர், அழகியபாண்டியபுரம், வாகைகுளம், உக்கிரன்கோட்டை ஆகிய பகுதிகளில் உள்ள பதற்ற மான 28 வாக்குச் சாவடிகளை காவல் கண்காணிப்பாளர் மணி வண்ணன் ஆய்வு செய்தார். அந்த வாக்குச் சாவடிகளில் செய்யப் பட்டுள்ள அடிப்படை வசதிகள், பாதுகாப்பு நடவடிக்கைகள் குறித்து கேட்டறிந்தார். டிஎஸ்பி அர்ச்சனா, மானூர் இன்ஸ்பெக்டர் ராமர், சப்-இன்ஸ்பெக்டர் லிபி பால்ராஜ் உடனிருந்தனர்.