தேசிய டென்னிஸ் பந்து கிரிக்கெட் போட்டிக்கு வீரர்கள் தேர்வு :

திருநெல்வேலி என்.ஜி.ஓ காலனி செவன் ஸ்டார் கிரிக்கெட் கிளப்பைச் சேர்ந்த எ.முத்து மற்றும் சி.மணிசெல்வம் ஆகியோர் கன்னியாகுமரியில் நடைபெறும் 22-வது சீனியர் பிரிவு தேசிய டென்னிஸ் பந்து கிரிக்கெட் போட்டியில் தமிழக அணி சார்பில் கலந்துகொள்வதற்கு தேர்வுசெய்யப்பட்டுள்ளனர்.

திருநெல்வேலி மாவட்டம் நடுக்கல்லூர் அரசு மேல்நிலைப்பள்ளியில் முத்து 9-ம் வகுப்பும், தூத்துக்குடி மாவட்டம் புதூர் அரசு மேல் நிலைப்பள்ளியில் மணிசெல்வம் 10-ம் வகுப்பும் படித்து வருகின்றனர்.

இவர்களை பள்ளி தலைமை ஆசிரியர்கள் எஸ்.ஹரிராமா, சாந்தி, திருநெல்வேலி மாவட்ட டென்னிஸ் பந்து கிரிக்கெட் சங்க மாவட்ட தலைவர் முரளி ஜெயப்பிரகாசம், செயலாளர் பெரியதுரை, செவன் ஸ்டார் கிரிக்கெட் கிளப் தலைவர் க.சேவியர் ஜோதி சற்குணம் உள்ளிட்டோர் பாராட்டினர்.