முசிறி, துறையூர், மண்ணச்சநல்லூரில் - இன்று திமுக வேட்பாளர்கள் அறிமுகக் கூட்டம் :

திருச்சி மாவட்டம் முசிறி தொகுதி மதசார்பற்ற முற்போக்கு கூட்டணி செயல்வீரர்கள் கூட்டம் மற்றும் திமுக வேட்பாளர் காடுவெட்டி ந.தியாகராஜன் அறிமுகக்கூட்டம் முசிறி- தாத்தையங்கார்பேட்டை சாலையிலுள்ள எஸ்.பி திருமண மண்டபத்தில் இன்று(மார்ச் 16)காலை 9 மணிக்கு நடைபெற உள்ளது.

இதில் திமுக முதன்மைச் செய லாளர் கே.என்.நேரு கலந்து கொள்ள உள்ளார். அதைத் தொடர்ந்து 12 மணியளவில் துறையூர் தொகுதி திமுக வேட்பா ளர் ஸ்டாலின்குமார் அறிமுகக் கூட்டம் அங்குள்ள பிரசன்னா மகாலிலும், மாலை 4 மணிக்கு மண்ணச்சநல்லூர் தொகுதி திமுக வேட்பாளர் எஸ்.கதிரவன் அறிமுகக் கூட்டம் அங்குள்ள வாணிபச் செட்டியார் திருமண மண்டபத்திலும் நடைபெற உள்ளது. இவற்றில் திமுக மற்றும் கூட்டணி கட்சி நிர்வாகிகள், தொண்டர்கள் பங்கேற்க வேண் டும் என திருச்சி வடக்கு மாவட்ட திமுக செயலாளர் காடுவெட்டி ந.தியாகராஜன் வெளியிட்டுள்ள அறிக்கையில் தெரிவிக்கப்பட்டுள்ளது.