நெல்லையில் 14 பேர் வேட்புமனு தாக்கல் :

திருநெல்வேலி மாவட்டத்தில் வேட்புமனு தாக்கலின் 2-ம் நாள் நிறைவில் முக்கிய கட்சிகளின் வேட்பாளர்கள் உட்பட மொத்தம் 14 பேர் மனு தாக்கல் செய்துள்ளனர்.

திருநெல்வேலி தொகுதியில் நயினார் நாகேந்திரன் (பாஜக), சத்யா (நாம் தமிழர் கட்சி), காமாட்சி நாதன் (நாம் இந்தியர் கட்சி), பாளையங்கோட்டை தொகுதியில் ஜி.ஜெரால்டு (அதிமுக), அம்பாசமுத்திரம் தொகுதியில் ஆவுடையப்பன் (திமுக), செண்பகவள்ளி (நாம் தமிழர் கட்சி), நாம் தமிழர் கட்சி மாற்று வேட்பாளர் எம்.லட்சுமி, நாங்குநேரி தொகுதியில் கணேசராஜா (அதிமுக), ஞானபாலாஜி (சுயேச்சை), நல்லகண்ணு என்ற கார்த்திக் (சுயேச்சை), ராதாபுரம் தொகுதியில் ஐ.எஸ். இன்பதுரை (அதிமுக), அவருக்கு மாற்று வேட்பாளர் இ. அழகானந்தம் (அதிமுக), ஆர். ஜேசுதாசன் (நாம் தமிழர் கட்சி),எம். ஆன்றனி ரோசாரி (சுயேச்சை) என மொத்தம் 14 பேர்மனு தாக்கல் செய்துள்ளனர். அதிமுக வேட்பாளர்கள் தலா 4 மனுக்களை தாக்கல் செய்துள்ளனர். இதுபோல்பாஜக வேட்பாளர் 2 மனுக்களை தாக்கல் செய்துள்ளார்.