இரு விபத்துகளில் 4 பேர் உயிரிழப்பு :

புதுக்கோட்டை மாவட்டம் இலுப்பூர் அருகே கோங்குடிப்பட்டி கிராமத்தைச் சேர்ந்தவர்கள் பி.ராஜேந்திரன்(50), சிதம்பரம் மகன் பாலசுப்ரமணியன்(35). கட்டிடத் தொழிலாளர்கள். இருவரும் நேற்று அதிகாலை திருச்சி-மதுரை தேசிய நெடுஞ்சாலையில் மேலபச்சக்குடி விலக்கு பகுதியில் மோட்டார் சைக்கிளில் சென்றபோது பின்னால் வந்த கார் மோதியது. இதில் இருவரும் உயிரிழந்தனர்.

மற்றொரு விபத்து: அரியலூர் மாவட்டம் திருமானூரை அடுத்த பரதூரைச் சேர்ந்தவர்கள் அஜித்குமார்(23), கர்ணன்(39). போர்வெல் லாரி தொழிலாளர்கள். இருவரும் நேற்று முன்தினம் இரவு வெற்றியூர் பிரிவு பாதை அருகே இருசக்கர வாகனத்தில் சென்று கொண்டிருந்தனர். அப்போது, அவ்வழியே வந்த கார் மோதியதில் இருவரும் உயிரிழந்தனர்.